Мінскі трактарны завод уваходзіць у ТОП-10 найбуйнейшых экспарцёраў трактарнай тэхнікі ў свеце: больш за 90% вырабленай прадукцыі пастаўляецца за мяжу. Трактары BELARUS працуюць у 125 краінах на пяці кантынентах.

Асартымент тэхнікі BELARUS уключае 160 мадэляў і больш за 220 мадыфікацый для працы ў любых умовах. Пры гэтым МТЗ прапануе кліенту тэхналогію апрацоўкі глебы і атрымання ўраджаю: трактар як энергасродак, агрэгатаваны навясным і прычапным абсталяваннем. Асаблівая ўвага ўдзяляецца інавацыйнаму развіццю, распрацоўцы новых мадэлей, прымяненню высокіх тэхналогій.

Для прасоўвання тэхнікі BELARUS на сусветным рынку створана буйная тавараправодная сетка. Больш за 100 арганізацый (уключаючы каля 20 уласных суб'ектаў) - партнёры прадпрыемства ў рэалізацыі прадукцыі.

За апошнія 5 гадоў (з 2018-га па 2022 год) і 6 месяцаў 2023 года тэхніка BELARUS пастаўлена ў 80 краін. Па выніках 2022 года экспарт перавысіў 900 мільёнаў долараў, што амаль на трэць вышэй за ўзровень 2021 года.

Ключавы рынак для Мінскага трактарнага завода - Расійская Федэрацыя. Ва ўмовах геапалітычнай і макраэканамічнай турбулентнасці прадпрыемства нарошчвае аб'ёмы паставак, павялічваючы долю прысутнасці. Тавараправодная сетка мае дылерскі цэнтр практычна ў кожным расійскім рэгіёне, што дазваляе быць бліжэй да спажыўца, забяспечваць якасны і своечасовы сэрвіс, захоўваць працаздольнасць тэхнікі, выконваючы агратэхнічныя тэрміны, што асабліва важна ў забеспячэнні харчовай бяспекі.

Удаецца нарасціць пастаўкі і ў іншыя краіны СНД: Азербайджан, Казахстан, Кыргызстан, Узбекістан. Павялічваецца экспарт у дзяржавы так званай "далёкай дугі", у тым ліку Паўднёва-Усходняй Азіі і Афрыкі.